- Diagnóstico xenérico
Diagnóstico xenérico dunha mancha o sustancia:
- Determinación de manchas de sangue
- Determinación de manchas de semen
- Determinación do perfil xenético dunha soa persoa
- Determinación do ADN mitocondrial
O ADN mitocondrial (ADNmt) encóntrase ubicado nuns pequenos orgánulos denominados mitocondrias, fora do núcleo da célula onde se atopa o ADN nuclear (ADNn). Existen moitos destes orgánulos en cada célula, o que significa que hai moitas copias de ADNmt en comparación co resto do ADN nuclear. O ADN mitocondrial hérdase por vía materna, de xeito que fillos e fillas dunha mesma nai comparten o mesmo perfil xenético para o ADNmt. Só as fillas poderán trasmitir este ADNmt á súa descendencia.
Destas características do xenoma mitocondrial derívanse aplicacións importantes:
- Establecimento de parentesco por vía materna
- Análises de mostras antigas e/o degradadas onde o ADN nuclear non se pode analizar
- Análises de pelos sen raíz en casos de identificación ou criminalística
- Os grupos de linaxes (secuencias) de ADNmt evolutivamente cercanos denomínanse haplogrupos. Os haplogrupos teñen unha distribución xeográfica ben definida. Polo tanto, o estudio do ADNmt permítenos obter información sobre a orixe xeográfica do linaxe mitocondrial.
- Determinación de haplotipos de cromosma Y
A especificidade masculina do cromosoma Y faino especialmente interesante para o seu uso en estudios forenses e casos de paternidade. Actualmente, para a determinación dos haplotipos do cromosoma Y, estamos a analizar 16 microsatélites e polimorfismos bialélicos.
Establecemento de parentesco por vía masculina
Os marcadores de cromosoma Y poden ser utilizados para a realización de probas de paternidade, pero obviamente, só naqueles casos nos que o fillo en cuestión é un varón. Ademáis, no caso de ser utilizados débese ter en conta que un resultado baseado únicamente en marcadores de cromosoma Y non exclúe como pai a calquera familiar da mesma liña paterna, polo que sempre debe de ser complementado coa análise de marcadores autosómicos.
Análises de mostras recollidas en casos e agresiones sexuáis (criminalística). Outro caso especial no que o cromosoma Y é importante, é a discriminación de manchas nas que existe componente masculino, como sucede na maior parte dos crímenes violentos que inclúen agresións sexuáis. Así, por exemplo, o cromosoma Y pode ser utilizado para detectar ADN masculino nunha mezcla de home e muller, tanto de semen, de saliva, de sangue ou de calquera outro fluido orgánico.
Determinación de linaxes
A utilización dos marcadores lentos, como os polimorfismos bialélicos (SNPs), permétenos definir unha xenealogía de haplogrupos, que son linaxes de cromosomas relacionados por descendencia, que en moitas ocasións presentan unha distribución xeográfica específica. Esta determinación pode ser de axuda na determinación da posible orixe xeográfica de calquera vestixio biolóxico.
|
|
Última actualización ( jueves, 28 de septiembre do 2006 )
|
Servicios 
